العابد عبد الرحيم / الله اااايثوب

//= الله ااااااااااااايثوب =//
 ^^^^^^^^^^^^^^^^^^^^^

الله ايثوب............الله ايثوب..
الله الله ايثوب علينا كاملين..

كيف  اندور  فالدائرة  دورة..
ايسير الوقت  مخبول زيادة..
مجانين بالليل و النهار دفعة..

غوت الليل بلا قمر  بلا قنديل..
غير النجوم  بالجملة  تواسينا..
 راها  بالثمر و الحليب تلاقينا..

ركوب  الخيل.. و السرج  سقلي..
يمكن أحلام كانت ابقى اخيالها.!

*يا حراز الدوار ، يا حراز حامي علي.!
^^^^^^^^^^^^^^^^^^^^^^^^^^^^^
خليني انت غير  ليلة انبات هاني..
من احلام الغول وعيشة قنديشة..

نبثة الحلال........نابثة بلا زريعة..
علاش الهضور فالناس والنميمة..

*الشر  من  لعيون  فاضح  راسو.!
^^^^^^^^^^^^^^^^^^^^^^^^^^
*الشر من العيون فاضح اسرارو.ا
^^^^^^^^^^^^^^^^^^^^^^^^^^

احضر البغض بغثةحضرت الكراهية..
هرول الصاحب  بالخوف و الفنتزية..
هرول مولاها هرول بالخوف خلاها..
الخوف  منشور في  دروب  المدينة..

*لا قيمة لاسود العين خو الزيتونة.!
^^^^^^^^^^^^^^^^^^^^^^^^^^^
علاش  الزين  ايخيط  الدروبة.؟
علاش المحتاج يعشق البدوزة.؟
الى اتكلم المظلوم يوزن كلامو..!

ياك الخيزران في يدين الحاكم شارة..
ياك المنجل و العتلة عند الرباع حرفة..

*يا الحاكمة  شفناك يا الحكومة.!
^^^^^^^^^^^^^^^^^^^^^^^^^
علينا بركوب الحمير الزعراطة..
طال الوقت نقصوا منو دقيقة..

*صابنا الجهل واحنا من بكري جاهلين !
^^^^^^^^^^^^^^^^^^^^^^^^^^^^^^
قلنا عند فورة ايبان لحساب..
احسبنا  بالصولدي و الربعية..
حساب بكري  مطلوق  لواية..

*حساب الحاضر بالخمسة معدودة..
^^^^^^^^^^^^^^^^^^^^^^^^^^^^
اللي ادى شي اداه..
انا شاد دلو خاوي..

* كانسول نجوم الليل فين غاب القمر.!
^^^^^^^^^^^^^^^^^^^^^^^^^^^^^^

العابد عبد الرحيم:03/01/2019
^^^^^^^^^^^^^^
ملهمتي الفقيه بن صالح.