دياب محمود حسن / العقدة..والحل

العقدة ..والحل
........كلمات أ / دياب محمود حسن
حاول تضحك
دوس ع الهمْ
قول لشيطان
الخوف اتلمْ
بكره الصعب
مسيره يتحلْ
وفرحة كبيرة
علينا تهلْ
بكره جبال
الهم تزولْ
بس ادعيله
تزول على طولْ
ربك بإيده
مفاتيح الكونْ
هو يخلى الصعب
يهونْ
كل عقدة وليها
حلالْ
قوم دورها يمين
وشمالْ
وارفع إيدك للسموات
هيشخص لك ابن
حلالْ
ياخد بإيدك من غير
مالْ
وحالك يبقى عال
العالْ
كل قفل وله
مفتاحْ
وربك خلى الدنيا
براح
قوم واتوكل ع
الفتاحْ
سلم أمرك له
وارتاحْ
فى عز الضلمة
هيجينا صباحْ
يملا حياتنا
بالأنوارْ
ربك هو حليم
ستارْ
قدرك هو
اللي بيختارْ
هو حسيبك
فى الظالمين
هو هاديك لو
يوم تحتارْ