عاطف احمد المصري / أشكرك

أشكرك..
____________________
      وبتقولي شكرا قال..
ومكسوفة من ده سؤال..
طب هومين ال يشكر مين
وأنا..
وقلبي وحروفي بنعشقك
وأنا..
وقلبي وحروفي بنشكرك
يابنت قلبي..
     ياأرق من رقة نسيم
  وأحلي من أجمل  ملك
بحضورك أنت..       
 خليت الحروف أميرات
 وصبحت أنا... هو الملك
أنا..
   وحروفي ال  بنشكرك
يابنت ليلي..                              *  بنت الليل.. الحلم
يا أجمل حلم..
 راح الألم م القلب خلاص
راح وجع سنين ما خلاص
جيت وجبت الدفا..
جيت ومعاك  الوفا..
لقلب عاش علي الإخلاص
عمره مانسي  يوم  يذكرك
عشان كده..
أنا وهو وحروفي بنشكرك
ياأميرتي..
 ياطفلة روحي ال بهواها
 وبرعاهاطول العمر وياها
وإن..
نسيت روحي ماحنساها
تفتكري ليه حسألك..
إذا كنت أنا..
 وقلبي وحروفي بنعشقك
تقومي أنت تقوليلنا شكرا
ده أحنا ال ألفين  نشكرك
علي كل لمحة   فينا منك
علي كل لحظة فرح منك
 وعلي  إنك قربتينا  منك
      ولإنك.. ولإنك..ولإنك
    يابنت قلبي..
 وطفلة روحي..
وحلم ليلي الطويل..
متشكريناش..
أحنا ال مفروض نشكرك..

#نهر