خالد موسى / من يوميات تائب

من
يوميات تائب
عايز إيه
بعد ما ربي يطهرني
من ذنب سنين
كان دايما عايش ملازمنى
مع قلة دين
فارد جنحاته وف الضلمه
بتنزل طين
كان شوك وواخدني ف أحضانه
مع ناس ملاعين
وغيامه بتظهر في الصحرا
تغوي التايهين
وسراب بيشاور ع الميه
والميه كمين
وعنيه تشوف الزيف ورده
والوهم حنين
عطشان وبيشرب كاس خمره
والسكر لعين
تايه والهم متوهني
وملهوش عنين
ودموع بتقطع ف خدودي
زي السكاكين
وضميري بيضحك على نفسه
ويخلق تفانين
والعقل لوحده مدوبني
بين الحالتين
بين ظلم مراره مغطيني
وبيعمي العين
والستر اللي مخلي جبيني
مرفوع للحين
بين رب ساترني وحاميني
وأنا بين شطين
التوبه ف ناحيه وذنوبي
فوق الكتفين
بحمد وإنا شاكر لك فضلك
وأختم بآمين
وفي لحظة ضعفي بلاقيني
ع الطهر حزين
ولما شيطاني يناديني
أرجع مسكين
محتار والرغبة بتغريني
وعايش الاتنين
مشقوق والشرخ مخليني
مقسوم نصين
بين باطل مر وبين ديني
ولنفسي بهين
وأدعي ودعواتي توريني
السكه منين
يا نفسي ليه بتشديني
ناحية شياطين
يارب أنا جايلك واحميني
من نفس تشين
عاشقة رغباتي ورغباتي
للروح ضامين
دايما ضعفانه وتعبانه
وبسرعه تلين
للباطل تلجأ وتماطل
وجدالها لعين
يا رب يا خالق حررني
زي التايبين
وخلى طريقي فيه جنه
فيها ناس تانيين
بيقولوا الحق ويتمنوا
يبقم طاهرين
خالد موسى